තවත් මලකි පරවුනේ....

නිමිත්ත:- රිසනා නෆික් එල්ලා මරා දැමේ..
                                                     (පුවතක්)
කටේ කිරි සුවඳ යන්නට පෙර දිනේ
වහලියක ලෙස නැවට පැටවුනේ
සුවඳ මල් පෙති පොඩි වුනේ
නුඹෙ සුවඳ කෝ... කොහිද සැඟවුනේ......

දුක් කඳුලු සෝ සුසුම් විඳ දිනක අවසනේ
වහලියක් ලෙස රටෙන් පිටවන්න සිදුවුනේ
සොඳුරු හදවතට බැරි බරකි පැටවුනේ
කෙලෙස ඉවසම්ද මේ බර සුවාමිනේ.....

 නොකල වරදක් ඇගේ හිස මතට පැටවුනී
සත් වසක් සිපිරි ගෙයි කඳුලු බත රසවුනී
අලුගෝසු සඹඳ කිම... නුඹේ හද ගල්වුනී
සොඳුරු සියුමැලි මලක් හිරුට පෙර පරවුනී....