මේ මම @ Facebook

කොටුව දුම්රියපළ ඉදිරිපිට

කාකි ඇදුමන් ඇගෙහි ලාගත්
මාර සේනා නිතර යන එන
රක්ත වර්නෙන් උස්ව මොරදී
නුවර වැසියන් නිතර රැස්වෙන

අව්ව වැස්සට තෙමී දින සති
අට්ටාල වල රැය පහන් වන
රජුන් මැතිදුන් වසා නෙත් යුග
හනික පිම්මේ ඉගිල්ලී යන

වීදි පහනක එලිය මගහැර
අමාවක තැන් සොයා ඇවිදින
සරාගික නෙත් දහක් හොරැහින්
කස්ටමස්ලා සොයන් පැමිනෙන

කෙසග සිරුරක ඉරුනු වැරහැලි
දවටාන නාවර පෙරාගෙන
හැට්ට කටු ටොෆි ලොසින්ජර පොත්
ගන්න ලාබයි කියා විකුණන 

හීන කන්දක් හදෙහි සගවන්
තුට්ටුවක පඩිපතක් හිස ගෙන
දිනපතා දුම්රියෙන් ඇවිදින්
පනින්නට රතු ඉරෙන් දුවයන

මෙ'ලක සිරි විසිතුරු බලන්නට
මැණිකෙ උඩරට සොයා ලතැවෙන
අහල පහලක ඉගිල යන්නට
හඩින් ගුගුලන බොහෝ බස් යන

මෙපුර ඇවිදින යනෙන සකියනි
අසිරිමත් පුර වැයුම් නොගැයෙන
ස්වේත වර්නෙන් උස්ව හිනහී
සුවහසක් දන එතෙර කරවන


2 Comments:

පොඩ්ඩක් ඉන්න! ලිපිය කියෙව්වනෙ? දැන් ඉතිං ලිපිය කියවද්දි හිතුණු දේ දැණුනු දේ ලියලම යන්න...